அருள் மிகு லாசப்பல் முத்துமாரி அம்மன் ஆலயம் 1996ஆம் ஆண்டு, பிரான்ஸின் பாரிஸ் நகரில் உள்ள La Chapelle பகுதியில், இலங்கையைச் சேர்ந்த தமிழ் சமூகத்தினரால் நிறுவப்பட்டது. தாயக பாரம்பரியத்தையும், ஆன்மீகத் தெய்வச் சிந்தனையையும், காலசாரம் மற்றும் நம்பிக்கைகளை வெளிநாட்டிலும் பன்முகமாக வளர்க்கும் நோக்கத்துடன் இந்த ஆலயம் அமைக்கப்பட்டது.

தொடக்கத்திலிருந்தே, இந்த ஆலயம் தமிழர் சமூகத்திற்கான ஆன்மீகத் தளமாக வளர்ந்தது. தினந்தோறும் பூஜைகள், விரதங்கள், சுபநிகழ்வுகள், மற்றும் வருடாந்த திருவிழாக்கள் இவை மக்களின் உள்ளங்களை இணைக்கும் ஆன்மீக முயற்சிகளாக இருந்தன.

1997ஆம் ஆண்டு, ஆலய வரலாற்றில் நாகம், சிவலிங்கம் மற்றும் நாகபூசணி அம்மன் ஒரே சிலையிலாக உருவாக்கப்பட்டு, பிரான்ஸ் நாட்டில் முதன்முறையாக நாகபூசணி அம்மன் திருவிழா எங்கள் ஆலயத்தில் மிகுந்த பக்தி, சிரத்தையுடன் கொண்டாடப்பட்டது. இதுவரை ஓவியங்களிலேயே காணப்பட்ட இந்த வடிவ அம்மனை, சிலை வடிவில் பக்தர்கள் தரிசிக்கும் வாய்ப்பு பெற்றமை ஒரு வரலாற்றுப் பெருமையாகவும், பக்தி சார்ந்த உணர்வாகவும் அமைந்தது.

2017ஆம் ஆண்டு, ஆலய இயக்கத்தில் ஒரு சிறிய மாற்றம் ஏற்பட்டது. சில தவிர்க்க முடியாத சூழ்நிலைகளால், ஆலயம் La Chapelle பகுதியில் இருந்து ஒரு சிறிய இடத்திற்கு இடம்பெயர்ந்தது. இருப்பினும், பூஜைகள் மற்றும் ஆன்மீக வழிபாடுகள் ஒரு நாளும் நிறுத்தப்படவில்லை. இடம் சுருக்கமாக இருந்தாலும், அம்மனின் அருள் எங்களுடன் தொடர்ந்து இருந்தது.

2023ஆம் ஆண்டு, எங்கள் ஆலயம் புதிய இடத்தை அடைந்தது. 101 Rue de l’Étoile, 93000 Bobigny என்ற முகவரியில், சித்திரை மாதத்தில் சிறப்பான கும்பாபிஷேகத்துடன் ஆலயம் மீண்டும் முழுமையாக செயல்படத் தொடங்கியது. புதிய இடம், Parking வசதிகள், மற்றும் பெரிதாக்கப்பட்ட பக்தர்வரவு — இவை எல்லாம் ஆலய வளர்ச்சியின் புதிய அத்தியாயமாக அமைந்தன.

இன்றைய தினத்தில், இந்த ஆலயம் பிரான்சில் வாழும் தமிழ் சமூகத்தினருக்கும், வருகை தரும் அனைத்து இந்து பக்தர்களுக்கும் ஒரு நிலையான ஆன்மீகத் தளமாக விளங்குகிறது. விஷேட பூஜைகள், திருவிழாக்கள், ஆன்மீக கருத்தரங்குகள், மற்றும் தமிழரின் பாரம்பரிய காலசாரத்தை சார்ந்த விழாக்கள் வழியாக, ஆலயம் தனது சேவைகளை விரிவுபடுத்தி வருகின்றது.